Binisay-on ta ra gud ni arun masabtan. Kining naa sa hulagway (kuha gikan sa Inquirer.Net), siya mao si Delsa Flores nga gitaktak sa serbisyo sa gobyerno tungod kay wala siya makadeklarar sa iyang "market stall (tindahan sa merkado" sa Panabo, Davao del Norte diha sa iyang Statement of Assets Liabilities and Network (SALN). Karun ang mga nangankon nga maayong laki sa balaud mi-rason nga bisan pa ug wala sab makaduso sa iyang SALN si Maria Lourdes Sereno angayan gihapon kini nga magpabilin tungod kay 'impeachable official" man si Sereno, ang kanhi Chief Justice. Baya no, lahi diay ang balaud sa uyamot ug sa gamhanang tawo? Taym sa diay naatul pud ra ba nga sa hudikatura pud nagtrabaho si Flores kaniadto isip court interpreter, sa ato pa, pareha ra sila nga departamento ni Sereno. Kanang sigeg pagarpar nga impeachment ra gyud ang makataktak ni Sereno, basaha ra gud ug tarong ang balaud, kini dunay gisukip nga "maybe removed from office" (Section 2, Article XI), sa atu pa wala kini nagpasabot nga impeachment ra. Ang pulong "maybe" kung hubaron sa Binisaya (Cebuano) nagpasabot nga pwede, tingali o kaha. Kung mao, wala kini muingon nga mao ra gayud (could only be). Sa laktud ang gihimo nga desisyon sa Quo Warranto petisyon, mahimo kaayo. Nganong lisdon man nato pagsabot ang isyu? Ang sala sa balaud, sala. Walay bisan kinsa nga mulabaw sa balaud bisan pa ug kini siya usa ka Chief Justice. Si Sereno sama kang Delsa parehas ra, busa angayan nga sila silutan. Kasabot?
No comments:
Post a Comment